Bon día. Moitas grazas a todas e todos pola vosa presenza.
E moitas grazas á dirección nacional do BNG por escoller A Coruñapara este acto de inicio do curso político 2021-2022.
A Coruña. A cidade na que naceu o BNG. En 2022 fanse 40 anos.
A Coruña. A cidade na que tivo lugar, en 2016, a nosa X Asemblea Nacional, na que Ana Pontón foi eleita Candidata á Presidencia da Xunta e Portavoz Nacional do BNG.
Iniciamos un novo curso político no que o BNG ten o reto de seguir ensanchando a súa base social.
Nos Concellos comeza a segunda metade do mandato. As eleccións municipais de 2023 albíscanse xa no horizonte.
Unhas eleccións que son unha grande oportunidade para ensanchar esa base social reforzando a presenza do BNG.
Por iso permitídeme que centre a miña intervención en facer balanzo dos dous anos de mandato e nos retos que temos por diante.
Na Coruña o BNG ten unha concelleira e un concelleiro.
Pero en moitos asuntos, o BNG é a forza que ten a iniciativa e marca a dinámica da política municipal.
Marcamos a dinámica cando conseguimos que se aprobase por unanimidade emprender accións legais contra os Franco para recuperar a Casa Cornide, do mesmo xeito que o traballo do nacionalismo galego foi decisivo para que se nos devolvese o Pazo de Meirás. Tivemos a iniciativa cando conseguimos que A Coruña, a cidade que viu nacer as Irmandades da Fala e a Academia Galega, teña, por fin, unha ordenanza para normalizar o uso do galego.
Por moito que saibamos que esa ordenanza ten que ir acompañada dun impulso político real para acadar a súa plena normalización.Unha vontade e un impulso político necesario, tamén, para desenvolver o enorme potencial desta cidade no eido da cultura.
Marcamos a dinámica cando incluímos na axenda municipal a aposta por construír unha cidade á medida das persoas, humanizando e democratizando o acceso ao espazo público.Por moito que saibamos que non abonda con actuacións puntuais e illadas. É necesario que estean incardinadas nunmodelo integral de cidade no que os barrios tamén teñen que ser protagonistas.
Marcamos a dinámica cando denunciamos a parálise na creación da área metropolitana, obrigando a uns e outros a ter que reaxir. Ou cando conseguimos incluír na axenda municipal a revitalización do noso pequeno comercio a través da creación dunha bolsa de locais comerciais.
Tivemos a iniciativa cando,para facer fronte ás dificuldades de acceso á vivenda, acadamos o compromiso de poñer en marcha unha bolsa de vivendas en aluguer ou de negociar coa SAREB para que ceda ao Concello os seus inmóbeis para ofertarlos como vivenda social.
E témola tamén cando dicimos que os terreos do porto xa son públicos e non se nos pode facer pagar polo que é noso
Na Coruña somos, de momento, unha concelleira e un concelleiro. Pero a dinámica marcada polo BNG obrigou a uns e outros a rectificar. Ao PSOE a negociar os orzamentos, despois da súa negativa neste exercício. E a outros a abandonar actitudes que facían difícil chegar a acordos.
En definitiva, prevaleceu a liña que defendeu o BNG: combinar o exercicio do labor de crítica e fiscalización que debe facer unha forza da oposición, coa formulación de propostas e a disposición de chegar a acordos polo ben da cidade.
Prevaleceu a liña que defendeu o BNG: combinar o exercicio do labor de crítica e fiscalización dunha forza da oposición, coa formulación de propostas e a disposición de chegar a acordos
Exercemos a oposición cunha actitude positiva e propositiva. Os trazos do BNG que premiou a sociedade galega nas pasadas eleccións autonómicas.
Por isoo noso reto para 2023 é ser a alternativa.
A nosa vocación é construír unha alternativa que dote dun impulso verdadeiramente transformador ás políticas municipais.
Pero permitídeme, aproveitando a presenza neste acto de Ana Pontón,que antes de dar paso a Mercedes Queixas, remate cunha reflexión.
Coñezo dende hai moito tempo a Ana. E fágovos unha confesión. Aínda que no substancial concordamos, e creo que sempre nos levamos ben, en ocasións tivemos as nosas diferenzas. Posibelmente por culpa miña.
Por moito que aparente ser unha persoa serea e reflexiva, os que me coñecen saben que son nervoso, emocional e tamén teño as miñas teimas e obsesións.
Dito sen tanta finura, ás veces hai que darme de comer a parte.
E ás veces tocoume, por sentido do deber, asumir responsabilidades que, sinceramente, eu non ambicionaba, e que ademais, naquel momento, sabía que eran un “marrón”.
Ás veces tocoume, por sentido do deber, asumir responsabilidades que, sinceramente, eu non ambicionaba, e que ademais, naquel momento, sabía que eran un “marrón”.
E sentín, tamén as veces, o peso e a soedade que conlevaban esas responsabilidades, por moito que me soubese respaldado.
Para min, as cualidades de liderado de Ana non foron unha sorpresa. Coñecía de sobra as súas capacidades.
Ana foi capaz de conseguir que moitas persoas resintonizasen co BNG. E que outras moitas comezasen a ollar por primeira vez cara nós.
Ana Pontón foi capaz de conseguir que moitas persoas resintonizasen co BNG. E que outras moitas comezasen a ollar por primeira vez cara nós.
Fíxoo sen renunciar en nengún momento aos principios que inspiran o BNG, nin aos nosos obxectivos.
Achegando un discurso sereo e apegado á realidade, un discurso positivo e ilusionante, empático e inclusivo.
Respecto que se tome un tempo para reflexionar. É unha decisión honesta e xenerosa.
Pero coas eleccións autonómicas 2020 iniciouse un novo ciclo que situou no BNG a responsabilidade de construír a alternativa de goberno para impulsar o cambio que este país necesita.
E non me cabe dúbida de que a persoa máis válida para liderar o proxecto que consolide o BNG como un actor político decisivo no noso país e para impulsar, dende a Presidencia da Xunta de Galiza, o cambio que necesita o noso país Chámase Ana Pontón.
Pero antes de dar paso a Ana, permitídeme que vos deixe con outra persoa que achega, como Ana, coherencia e compromiso,
E tamén
Serenidade,
Empatía,
Intelixencia
E ilusión
Chámase Mercedes Queixas.
Con ela vos deixo.
Moitas grazas.