A verdade é que no noso país chove sobre mollado. Con diñeiro público (até do propio Concello) programas televisivos planificados e concibidos desde a capital do Estado teiman en ofender a nosa lingua, que é tanto como dicir que teiman en ofendernos a nós, galegas e galegos. De Masterchef ás Tanxugueiras, pois si. Sobre a cuestión escribín este artigo para as páxinas locais da Voz de Galicia.
Boa parte do futuro da nosa cidade está en xogo no seu porto. É por iso que levamos unha moción ao Pleno pasado, que felizmente obtivo o apoio maioritario da Corporación. Disto falo na miña útima colaboración co diario La Opinión.
Non é calquera edificio. Ten un enorme valor arquitectónico, patrimonial e simbólico. Non podemos ficar de brazos cruzados mentres se vai tornando en ruínas. Falo do antigo cárcere da Coruña. Sobre el escribín un pequeno artigo para La Voz de Galicia. Velaí o tendes.
Entramos en 2022 e os meus desexos para este novo ano condenseinos nun artigo que viu a luz nas páxinas de La Opinión. Boto man dun verso dun dos grandes da nosa literatura, Manuel Álvarez Torneiro (1936-2019), e canda el pido que teñamos o valor de darnos un futuro.
A Casa Escariz é un ben de enorme valor arquitectónico que se debe incorporar xa de pleno dereito ao patrimonio municipal. E tócalle ao Goberno Local planificar canto antes os seus usos futuros, non sen deixar de resolver unha cuestión clave: reclamar o diñeiro que a Fundación Legado Piñeiro Pose ingresou durante anos e retivo indebidamente. Eis o meu artigo na Opinión sobre o asunto.
É indignante ver como Xunta e Goberno do Estado ollan para outro lado, un a desviar a atención sobre o outro, no canto de asumiren as súas responsabilidades e, por tanto, indemnizar as persoas mariscadoras mentres duraren as obras de dragaxe da Ría do Burgo (que obviamente as obriga a cesaren temporalmente a súa actividade). Dediqueille á cuestión un artigo que viu a luz nas páxinas de El Ideal Gallego.
Aínda non sabemos nada dos orzamentos do Concello da Coruña para 2022. E estamos a mediados de novembro…! Expreso a miña estupefacción neste artigo, que viu a luz nas páxinas locais da Voz de Galicia, e falo tamén dos orzamentos da Xunta e do Estado en relación á nosa cidade. A foto é da conferencia de prensa que dei co compañeiro Néstor Rego para presentarmos as emendas do BNG ás contas estatais.
Ten na cabeza o Goberno Local que Nostián se acabe convertendo nun apéndice de Sogama? Agardamos que non, mais queremos advertir do serio risco de que iso sexa o que finalmente vaia acontecer. Sobre este asunto publiquei un artigo na Opinión da Coruña. Velaí o tendes.
Pois a verdade é que foi un gran día para o nacionalismo galego este 7N, esta XVII Asemblea Nacional. E a min cóubome a honra de, en nome do BNG da Coruña, pronunciar o saúdo de benvida ás máis de 3 mil persoas que ateigaron o Coliseum. Eis tendes o texto da miña intervención.
A política vai de optar. Hai 15 millóns de euros disponíbeis na Facenda local e o Goberno de Inés Rey quere empregalos na compra dos peiraos de Batería e Calvo Sotelo. Fixádevos: na compra de terreos que xa son públicos. Un despropósito. Nós o que pedimos é que se invistan nos barrios. A tese desenvólvoa nun artigo que viu a luz nas páxinas de El Ideal Gallego.