Cidade deportiva
Programa · A Coruña cidade deportiva
Uns servizos públicos de benestar social para todos, potentes e de calidade, como medio de intervención pública para acabar con todo tipo de desigualdade, discriminación e exclusión (económica, social, xénero, idade, discapacidade, orixe, opción sexual…).
Serv. Sociais Comunitarios
Pobreza e exclusión
Migración
Asentamentos precarios
Poboación maior
Dependencia
Prevención das adicións
Doenzas pouco frecuentes
Sanidade
Cooperación e solidariedade
Voluntariado
- Reforzo dos Equipos de Atención Social dos Centros Cívicos Municipais, coa contratación de máis persoal mais tamén diversificando e completando os perfís profesionais cando menos con psicólogos sociais.
- Definición dun catálogo de prestacións e servizos sociais municipais, coa regulación das condicións para o seu exercicio, tal e como exixe a Lei de servizos sociais de Galiza.
- Deseño e implantación dun sistema de indicadores sociais que permita realizar un seguimento dos niveis de benestar social e avaliar a efectividade das políticas locais, tal e como existen xa en entidades sociais.
- Habilitación de enquisas, comprensíbeis ás persoas de calquera nivel sociocultural, sobre a satisfacción na atención aos Servizos Sociais Comunitarios.
- Reforzo do Consello Local de Inclusión Social como órgano de participación, asesoramento e consulta así como apoio e promoción dos traballos do seus grupos de traballo.
- Recuperación dos programas de intervención sociocomunitarios.
- Elaboración, coa participación activa de todos os sectores e concellarías implicadas, dun Plan de inclusión social do Concello da Coruña, fundamentado nunha análise da realidade social sobre a que se vai a intervir.
- Fomento do acceso ao mercado laboral das persoas excluídas ou en risco de exclusión social a través da formación para o emprego organizados polo Concello da Coruña que deberán estar pensados para incrementar os niveis de competencia e para a consecución de empregos e polo tanto orientados á demanda real.
- Inclusión de oficio en todos os pregos de contratación administrativa de cláusulas sociais que prioricen as empresas licitadoras para faceren esforzos de responsabilidade legal e social contratando persoas en situación de exclusión social.
- Apoio ás empresas de inclusión social: centros especiais de emprego ou outras formas empresariais formadas por colectivos en exclusión social.
- Revisión da Ordenanza reguladora da Renda Social Municipal para facela máis útil e efectiva.
- Revisión da Ordenanza que regula as Axudas de Emerxencia Social para facelas máis útiles e efectivas.
- Estudo e modificación das baremacións de todas as axudas e bolsas sociais do Concello da Coruña para ter en conta a realidade das familias monomarentais/monoparentais.
- Mantemento do criterio de non cortarlle a luz e a auga por impagamento dos recibos da vivenda que constitúa a súa residencia habitual: aumento da coordinación con Emalcsa.
- Procura de fórmulas para que as taxas de acceso ás instalacións deportivas, á formación musical, aos eventos culturais etc. non sexan privativas para adolescentes e nen@s con familias sen recursos.
- Estudo das medidas precisas para acurtar os tempos e a burocracia para a consecución de axudas.
- Mellora da información cidadá aos colectivos
- Evitar que o solapamento entre a RISGA e o RSM implique unha diminución da contía das axudas
- Creación e visibilización dos espazos sociais, culturais e lúdicos de relacións interculturais.
- Reforzo do persoal do Concello para que teñan coñecemento das culturas minorizadas.
- Reforzo da actividade e do persoal da Unidade de Atención ao Migrante (UAMI), nomeadamente os servizos xurídicos.
- Reforzo das accións de acollida, guía de recursos e servizos nos idiomas da poboación inmigrada, desenvolvemento de instrumentos de acollida, cursos de lingua para promover a capacitación lingüística, coordinación da información e o asesoramento en temas legais, cursos de formación ocupacional, aulas de acollida, obradoiros de pais e nais.
- Posta en marcha dun plan de loita contra o racismo: actividades en centros educativos, accións de sensibilización, etc.
- Garantía do acceso a servizos básicos á poboación migrante sen papeis.
- Garantía da protección de datos entre Administracións Públicas.
- Impulso o acollemento de persoas refuxiadas.
- Compromiso da posta en marcha, do financiamento e da dotación de persoal multidisciplinar para desenvolver o Plan de acceso ao hábitat digno para as persoas habitantes dos asentamentos precarios da cidade da Coruña.
- Fomento da implicación das distintas organizacións sociais especializadas nas diferentes áreas de intervención.
- Sensibilización, mediante proxectos comunitarios, a toda a cidadanía na necesidade de resolver a problemática dos asentamentos precarios desde a igualdade, o respecto mutuo e a interculturalidade.
- Implicar no traballo de inclusión social a outras Administracións, sinaladamente a Xunta de Galiza e aos concellos da comarca, con actuacións supramunicipais planificadas desde a coordinación e a colaboración de todas as administración e das propias persoas e colectivos implicados.
- Promoción, coa colaboración doutras administracións, da habilitación dun espazo para almacenaxe de ferralla, de modo que se posibilite traballar nesta actividade as persoas que así o decidan.
- Creación dun servizo de atención especializada a persoas xubiladas e/ou persoas maiores de 65 anos en materia de información e asesoramento sobre trámites e actuacións municipais.
- Eliminar as barreiras arquitectónicas no espazo público e edificios de titularidade municipal, conforme aos criterios estabelecidos na moción sobre accesibilidade aprobada por unanimidade polo Pleno do Concello da Coruña o 5 de decembro de 2019.
- Habilitar e manter os aseos públicos en zonas de responsabilidade do Concello (parques, aparcadoiros públicos, edificios de titularidade municipal…).
- Creación dunha tarxeta da persoa maior, de xeito que as persoas maiores poidan beneficiarse de descontos e/ou do acceso gratuíto a centros e espazos culturais e de lecer de titularidade municipal e o transporte público de viaxeiros.
- Acondicionamento de espazos de relación intexeneracional en baixos baleiros nos barrios.
- Habilitación de programas de cohabitación para persoas maiores que vivan soas.
- Potenciación da oferta de actividades para as persoas maiores nos centros cívicos municipais e nas actividades programadas polo Servizo Municipal de Deportes para fomentar un avellentamento activo e saudábel.
- Reforzo do persoal dos servizos sociais municipais dedicado a valorar situacións de dependencia.
- Incrementar progresivamente a cobertura do servizo de teleasistencia.
- Dotación dun servizo de atención a persoas dependentes para permitir a saída do domicilio e a axuda pola rúa.
- Pór á disposición da Xunta de Galiza os terreos necesarios para que constrúa unha residencia para persoas dependentes.
- Desenvolvemento de recursos de respiro familiar.
- Supresión do copagamento na axuda a domicilio.
- Revisión constante do Programa Coruña Educa no eido específico da prevención das adicións en colaboración co tecido asociativo presente no Consello Local de Saúde.
- Realización de campañas de impacto masivo sobre os efectos das adicións nas persoas e nas súas contornas. Atención específica diante da elevación de consumos de drogas.
- Posta en marcha de equipos interdisciplinares na rúa: profesionais da educación social, do traballo social, mediadorxs, psicólogos e psicólogas.
- Compromiso do investimento necesario nos locais municipais para que as entidades que realizan un labor de atención ás persoas con adicións poidan desenvolver o seu traballo nunhas instalacións axeitadas.
- Sinatura dun convenio de colaboración entre a Policía Local e a Policía Nacional para inspeccionar e controlar a idade das persoas que acceden ás casas de apostas coa finalidade de que se cumpra a lexislación.
- Estudo da posibilidade de regulación específica para que as casa de aposta estas estean afastadas dos centros de ensino e a posibilidade de retirar a licenza de apertura se se detecta o acceso de menores a estas.
- Prohibición de anuncios de casas de apostas en instalacións ou vehículos de servizos de transporte urbano da cidade da Coruña.
- Compromiso de elevación da dotación do convenio con AGALURE até poñelo á altura doutras entidades en prevención doutras adicións.
- Apoio das entidades de doenzas pouco frecuentes.
- Dotación anual de convenios suficientes para cubrir os servizos ofrecidos por estas entidades.
- Promoción de actividades de coñecemento e sensibilización sobre a realidade destas doenzas en colaboración coas entidades de doentes e familiares.
- Exixencia por parte do Concello da Coruña da equidade nos dereitos sociais básicos das persoas doentes e as súas familias: saúde, educación, emprego e vivenda.
- Exixencia por parte do Concello da Coruña para que estas persoas poidan acadar a equidade nos tratamentos, terapias e medicamentos necesarios para a abordaxe da súa enfermidade.
- Defensa do sistema e os servizos públicos sanitarios e, en consecuencia, exixencia do Concello da Coruña diante da administración competente dunha dotación suficiente de recursos para que a cidadanía coruñesa reciba unha atención sanitaria de calidade, particularmente en materia de Atención Primaria.
- Exixencia, nomeadamente, da cobertura das prazas de xinecoloxía no COF de Orillamar e mais no do Ventorrillo debido a que se trata de centros creados en colaboración co Concello da Coruña.
- Posta en marcha programas de promoción de saúde transversais que xeren calidade de vida e aumenten os anos de vida saudábeis que atendan á:
- Conciliación de nais e pais, con espazo de atención á infancia nos espazos deportivos municipais e horas de canguraxe que se poidan solicitar para atender as nenas e os nenos mentres se practica deporte.
- Inclusión na programación de actividade deportiva municipal de deporte en familia.
- Reserva de porcentaxes de prazas en actividades deportivas municipais para persoas con diversidade funcional.
- Promoción dun urbanismo que promova os desprazamentos peonís accesíbeis na cidade.
- Dotación de espazos na rúa para a práctica deportiva de mozas e mozos pois hoxe en día os parques unicamente están pensados para nenas e nenos de até nove ou dez anos.
- Promoción dos mercados municipais como lugares para a compra de produtos.
- Mantemento do Consello Municipal de Saúde como órgano estrutural de participación cidadá: apoio aos grupos de traballo creados e compromiso de atención ás súas propostas.
- Reformulación do programa Educa Saúde para o aumento das horas das sesións de Educación Afectivo-Sexual, Médica e tamén de Prevención nos centros educativos da cidade.
- Descentralización das charlas informativas do COF nos centros cívicos e entidades sociais que xustificadamente o precisen ou demanden.
- Promoción de actividades de investigación de saúde comunitaria en colaboración coa Universidade da Coruña e co Instituto de Investigación Biomédica da Coruña (INIBIC).
- Apoio das actividades de sensibilización que as organizacións non gobernamentais desenvolven na nosa cidade.
- Creación dun foro de entidades de cooperación ao desenvolvemento e de solidariedade internacional.
- Fomento da compra pública ética no Concello baseada en criterios sociais e ambientais de consumo responsábel.
- Dedicación dun 0,2 % dos orzamentos anuais do concello a cooperación, que se destinarán nunha parte ao Fondo Galego de Cooperación e Solidariedade para a recuperación da convocatoria aberta en concorrencia competitiva para a posta en marcha de proxectos de cooperación e de educación para o desenvolvemento.
- Apoio das iniciativas de comercio xusto vencelladas a novos modelos de consumo responsábel.
- Oferta dun plano de formación do voluntariado da cidade da Coruña segundo as necesidades formativas detectadas.
- Elaboración dunha carteira de voluntariado accesíbel na web municipal para facilitar o acceso a este de todas as coruñesas e coruñeses e información ao persoal do Concello desta carteira para que a poidan transmitir á cidadanía que a demande.
- Promoción de campañas de fomento e sensibilización do voluntariado de xeito continuado e dirixido a toda a poboación: difusión e transmisión dos valores do voluntariado.
- Dar a coñecer a experiencia do voluntariado nos centros educativos e apoiar os proxectos de aprendizaxe e servizo.
- Procura da sinatura dun convenio coa Consellaría de Educación para mellorar a valoración dentro das cualificacións das e dos rapaces de ensino medio pola realización de labores de voluntariado en diferentes asociacións da cidade en función da materia en que se queira mellorar.
- Apoio con recursos ás entidades de acción voluntaria da cidade.
- Recuperar o encontro anual de entidades de acción voluntaria Espazo Solidario.