Cidade para moverse

Programa · A Coruña cidade para moverse

Redeseño do plan de mobilidade.
Compromiso de constitución dun ente para a xestión da mobilidade na comarca da Coruña, mentres non exista unha Área Metropolitana que asuma as competencias en materia de mobilidade.
Remate dos traballos de redacción da nova ordenanza de mobilidade.

Garantía de accesibilidade universal ás beirarrúas e aos edificios e equipamentos públicos, eliminando as barreiras que dificultan o acceso.
Ampliación das beirarrúas para promover e facer posíbel a mobilidade peonil en todo o espazo público, independentemente da condición social, física, económica ou de calquera outro tipo das persoas.
Creación de corredores peonís e extensión das áreas peonís.
Actuacións urbanísticas de calidade, seguras e con usos plurais, en definitiva, centros de socialización e de convivencia.
Mudanza nos tempos dos semáforos para que todas as persoas independentemente da súa condición poidan cruzar con seguridade.
Elevación dos pasos de peóns -segundo as rúas- para rebaixar as velocidades dos coches e dar máis seguridade e accesibilidade aos peóns.
Limitación no estabelecemento das terrazas na vía pública para garantir a mobilidade peonil e a accesibilidade.
Instalación de medios mecánicos (elevadores) nas rúas onde o seu desnivel o fixer preciso.
Prioridade dos camiños peonís accesíbeis cando se concedan ocupacións da vía pública de estadas, contedores de obra ou outros elementos removíbeis ou definitivos.
Nova regulación das terrazas e vixilancia do cumprimento do principio de accesibilidade das rúas.

Estudo da remunicipalización do servizo.
Posta en marcha do carril bus.
Reordenación das liñas de transporte público para conectar os barrios entre si, cos hospitais e centros sanitarios, os centros de ensino da cidade, os centros de traballo e os polígonos industriais.
Modificación dos horarios para que o servizo ordinario comece máis cedo, contra as 6 da mañá, e remate ás 12 da noite.
Mantemento da gratuidade dos transbordos.
Modernización do sistema de pagamento no autobús:
- Ampliación da app de pagamento no autobús para todos os sistemas operativos dos móbiles.
- Modernización da tarxeta Millennium.
Renovación da frota co obxectivo de que sexa menos contaminante.
Comunicación permanente co sector do taxi para garantir unha maior calidade no servizo, tanto no que ten a ver cos dereitos dos traballadores e das traballadoras, a planificación, coa sinalización e coa capacidade das paradas de taxis, como na información sobre as obras e como lle afectan no desenvolvemento do seu traballo. Axilización e modernización dos trámites administrativos do colectivo do taxi co concello.
Defensa da implantación dun carril bus-VAO nos accesos á cidade.

Ampliación do carril bici nas vías en que for posíbel e mellora do existente, nomeadamente no que atinxe á seguridade.
Modernización da ordenanza de mobilidade da cidade para regular o espazo no que teñen que circular os Vehículos de Mobilidade Persoal (VMP).
Realización de campañas masivas de sensibilización sobre as normas de circulación das bicicletas e VMP.
Posta en marcha do Bicirexistro.
Ampliación do servizo de Bicicoruña: aumento do persoal e dos medios destinados a este servizo así como do número de estacións e bicicletas, inclusión de tándems para persoas con problemas de visión.