Cidade para traballar

1. Reclamación da supresión das limitacións legais á creación de emprego público, co obxecto de reforzar e ampliar os servizos públicos que presta o Concello.
2. Potenciar a formación para o emprego desde o Centro Municipal de Emprego. A oferta de programas de formación atenderá á demanda real e á potenciación de depósitos de emprego que se poidan implementar desde a propia acción de Goberno.
3. Impulso ao programa Coruña Suma.
4. Potenciación dos obradoiros de emprego.
5. Apoio aos centros especiais de emprego para a inserción laboral das persoas discapacitadas e á integración laboral das persoas inmigrantes e ás persoas emigrantes retornadas.
6. Colaboración cos servizos públicos de emprego e coas diferentes entidades sociais que fan labores de integración e de formación para o emprego co obxecto de canalizar axudas para contratar persoas desempregadas, sexa en servizos dependentes do Concello da Coruña ou en empresas colaboradoras.
7. Promoción da sinatura de convenios coas empresas locais para mellorarmos ocupación laboral.
8. Inclusión nos procesos de contratación administrativa de criterios relativos á calidade do emprego: estabilidade, condicións laborais e salariais dignas, igualdade de xénero e favorecemento da contratación de persoas desempregadas, nomeadamente as que pertencen a colectivos con dificultades de inclusión social. O Concello da Coruña velará polo cumprimento dunhas condicións laborais e salariais dignas en todas as empresas que contrate para obras ou servizos.
9. Apoio a creación e o mantemento do emprego autónomo ou en cooperativas de traballo asociado e sociedades laborais; así como á difusión e fomento do cooperativismo e a economía social como vías para procurar unha ocupación laboral.
10. Ampliación do Servizo de Canguraxe para as persoas en período de formación para a inserción laboral.

1. Elaborar o Plan de desenvolvemento e industrialización para a cidade e a súa área metropolitana.
2. Impulso á Cidade das TIC: coas actuacións urbanísticas e as conexións de transporte que aseguraren a accesibilidade e contribúan ao desenvolvemento do proxecto.
3. Creación da marca de produto coruñés para potenciar aquel produto descargado, transformado, vendido ou cociñado na cidade.
4. Estabelecemento de sementeiras de empresas, mediante a oferta municipal de locais adecuados e de baixa renda, por un tempo determinado até que se consolide como viábel a iniciativa empresarial. Potenciar a relación entre os viveiros de empresas que actualmente operan na cidade.
5. Creación dunha oficina de apoio e asesoramento de emprendedores da cidade que simplifique e facilite os trámites administrativos relacionados co Concello mais tamén axude a coñecer as posibilidades dos negocios, evitando así a frustración, o endebedamento e a apertura e posterior peche de negocios.
6. Mobilización, a través da creación dun banco de locais baleiros, dos baixos en desuso na cidade, para fomentar a diversidade de usos, incluíndo, ademais das actividades comerciais, a instalación de microempresas, a cesión de locais para asociacións e entidades sociais e iniciativas de economía social.
7. Apoio ás empresas ligadas á creación e divulgación da lingua e cultura nacionais mediante a reserva, dentro dos orzamentos de cultura e festas do concello, dunha parte importante para eventos producidos por empresas de servizos culturais galegas co obxectivo de afianzar esta industria cultural.
8. Potenciación da realización de feiras, congresos e eventos públicos, como elementos dinamizadores da vida económica.
9. Organización e fomento de mercados urbanos na rúa abertos á participación de diversas actividades económicas.
10. Apoio á visibilización da recuperación da artesanía e os oficios tradicionais con viabilidade económica.
11.  

1. Desenvolvemento de infraestruturas e servizos que axuden á puxanza dos polígonos industriais e ás posibilidades de empregabilidade das empresas alí presentes.
2. Mellora dos servizos de auga, saneamento, depuración e outros servizos básicos (limpeza, correos, hostalaría…).
   • Mantemento e reposición das vías e das beirarrúas e primar o criterio da accesibilidade e da seguridade viaria.
   • Mellora do alumeado público.
   • Dotación de aparcadoiros disuasorios nas proximidades dos polígonos e posta en marcha de liñas de transporte urbano que conecten a cidade cos polígonos e de liñas lanzadeiras nos polígonos para o desprazamento até os centros de traballo.
   • Estudo da viabilidade do emprego da liña ferroviaria que pasa polos polígonos de Pocomaco e A Agrela.
   • Mellora da conexión entre os polígonos de Pocomaco e Vío e o Polígono da Agrela-Bens.

1. Apoio, promoción e defensa de todas aquelas iniciativas do pequeno e do mediano comercio que incidan na súa promoción.
2. Realización de campañas destinadas á promoción da compra no pequeno e mediano comercio como opción de consumo responsábel, favorecedora da economía de proximidade, máis respectuosa co medio e fundamental para o mantemento da vida dos barrios.
3. Elaboración dun censo de locais baleiros da cidade, con información sobre a súa superficie, localización, estado das licenzas e situación actual.
4. Creación dun banco de locais baleiros co obxecto de ofertalos en alugueiro a prezo taxado, integrado tanto por locais de titularidade municipal como por locais de particulares que os poñan á disposición do banco para labores de intermediación.
5. Impulso ao labor de asesoramento e formación, co obxectivo de modernizar e diversificar o noso tecido comercial.
6. Integración do pequeno e mediado comercio como actividade estratéxica para protexermos e a dinamizarmos nun plano de urbanismo e de mobilidade sustentábel.
7. Coordinación da promoción turística e o comercio local co fin de estimular a actividade comercial das zonas tradicionais da Coruña.
8. Na intervención no espazo público, mantemento dos tráficos precisos para a carga e descarga, con espazos reservados para estes efectos.
9. Promoción dunha imaxe de marca que poña en valor a calidade da nosa gastronomía.
10. Organización de eventos que conecten a hostalaría dos barrios da cidade e o seu comercio a través de mostras de cociña, que mesmo se poden facer en colaboración cos centros formativos en materia de hostalaría presentes na cidade.

1. Desenvolvemento de campañas que incentiven a compra nos mercados municipais como lugares de compra saudábel, económica, de calidade e responsábel desde un punto de vista do/a consumidor/a.
2. Dotación de consignas en todos os mercados municipais.
3. Potenciación dos mercados municipais como centros dinamizadores da vida comercial e social dos barrios.
4. Modificación da ordenanza co obxecto de ampliar horarios, diversificar a oferta e permitir a coexistencia de usos que favorezan a súa dinamización e captación de novos usuarios e usuarias (feiras de artesanía, feiras gastronómicas, eventos sociais e culturais, etc.).
5. Fixación do obxectivo de que todos os mercados municipais adquiran o selo de “Mercado Excelente” da Xunta de Galiza, tomando como referencia o Mercado Municipal de Tomiño.
6. Compromiso coa reforma do Mercado de Monte Alto, coa introdución das melloras necesarias no de Durmideirsa, coa construción do novo mercado de Santa Lucía.
7. Convocatoria dun concurso para optar aos postos baleiros nos mercados municipais.
8. Rexeneración e peonalización das contornas dos mercados municipais -respectando sempre a carga e descarga- para convertelos nos centros de actividade dos barrios en diálogo co tecido asociativo dos mercados.
9. Axudas ao asociacionismo de praceiras e praceiros para a difusión e promoción dos propios mercados municipais.

Unha cidade que aspire a presentar ás visitantes unha oferta rica e singular dos seus atractivos turísticos debe enfocar o turismo desde un Plan integral de acción que comprometa todos os departamentos do Concello pero tamén active a participación continua de todos os sectores.

O obxectivo desde plan integral de acción é que, alén dos beneficios económicos públicos e privados, todas as intervencións repercutan en beneficios para a cidadanía de toda a comarca, porque a aposta é pensar tamén o turismo desde unha visión comarcal.

O plan integral de acción ten como eixos diversificar oferta a partir do aproveitamento dos recursos naturais e patrimoniais da comarca coruñesa e a desestacionalización da actividade turística.

O plan, aberto a novas achegas, debería atender inicialmente as cuestións máis urxentes a través das propostas que achegamos a continuación:

1. 1. Reformulación do Consorcio de Turismo para que este teña unha visión metropolitana das posibilidades turísticas de toda a área coruñesa máis aló do termo municipal.
   2. Elaboración dun Plan director para a Torre de Hércules, que incluirá un programa de visitas guiadas, en que se recuperarán, ademais, as visitas nocturnas e as gratuítas en determinadas épocas do ano, e a ampliaranse os servizos que ofrece o conxunto cun emprazamento que sirva de centro de interpretación, con baños e centro de recepción das e dos visitantes.
   3. Potenciar a imaxe de marca da Coruña a partir da asunción na política turística municipal de normas de calidade e o do impulso aos traballos para a creación dun plan de posicionamento de marca e destino.
   4. Garantir a sustentabilidade en todas as actuacións e prácticas en materia de turismo e fomentar na cidade e na comarca da Coruña o turismo sustentábel con que pór en valor os elementos ambientais e socio culturais da contorna e axudar na conservación do patrimonio natural.
   5. Definir unha estratexia marco para a xestión da estacionalidade na demanda turística e desenvolver ferramentas e produtos para reducir a estacionalidade, deseñar clubs de produto, paquetes específicos para públicos obxectivo.
   6. Desenvolver un programa de visitas guiadas pola cidade que impulse a potencialidade de espazos como a Cidade Vella e a ruta do Camiño de Santiago polo interior da cidade.
   7. Ampliación dos descontos e das utilidades da Tarxeta Coruña Card.
   8. Adecentamento da área de (auto)caravanas cunha mellor iluminación, con conexións en transporte público cos puntos de relevancia turística e patrimonial da cidade e tamén con puntos de subministración para o caravanismo.
   9. Creación dunha liña de bus turístico da cidade dentro do servizo de autobuses urbanos que percorra todos os puntos de relevancia turística e patrimonial da cidade.
   10. Mellora da sinalización do noso patrimonio e facela accesíbel para as persoas con mobilidade reducida e diversidade funcional.
   11. Inclusión dos mercados municipais como puntos de atracción turística dentro das medidas para a súa recuperación a partir da promoción dos produtos en venda e da gastronomía que toma como base estes produtos.
   12. Deseño de actuacións específicas para pór en valor como activos turísticos o patrimonio histórico e artístico da cidade e da memoria da cidade.

A pesca e as actividades relacionas co mar son de importancia estratéxica para a cidade. O Concello defenderá á declaración do porto pesqueiro da Coruña, na súa condición de porto galego, como altamente dependente social e economicamente da pesca e apoiará as seguintes medidas:

1. Potenciación, defensa e promoción da pesca en todos os seus ámbitos de actuación.
2. Recuperación integral da Ría do Burgo e planificación racional dos seus usos.
3. Recuperación do banco marisqueiro e pesqueiro da contorna do emisario de Bens.
4. Impulso dos produtos da Confraría de Pescadores, colaborar coas súas actividades e erixirse como garante dos colectivos de baixura, marisqueo e percebe.
5. Impulso da celebración de actividades lúdicas de exaltación dos produtos da pesca de baixura.

1. Estudo da aprobación dunha taxa municipal ás grandes empresas de comercio online.
2. Exención do pagamento do IBI ás persoas alugadas en vivendas municipais.
3. Elevación da bonificación do IBI até o 90% nos inmóbeis que sexan obxecto de rehabilitación mentres dure a obra de rehabilitación, de acordo co estabelecido na lexislación de facendas locais.
4. Revisión das tarifas da ordenanza reguladora da taxa por prestación do servizo de recollida e tratamento do lixo e residuos urbanos segundo o grao de tratamento realmente efectivo do lixo.
5. Elevación do imposto de aperturas a locais de casas de apostas.
6. Incremento das exencións fiscais aos emprendedores no inicio da súa actividade.
7. Referencia nos ingresos “per cápita” da unidade familiar para beneficiarse de descontos e bonificacións ou á hora de pagar impostos e taxas.

1. Axilidade dos procedementos administrativos, introducindo criterios de racionalidade e eficacia e dotarémolos do persoal necesario para acadar este obxectivo.
2. Control na prestación de servizos públicos contratados mediante sistemas de control de xestión baseados en indicadores.
3. Publicación dos resultados das avaliacións realizadas.
4. Elaboración de cartas de servizo, nas que se informe dos servizos que se ofertan, dos compromisos na prestación, dos trámites básicos de cada procedemento administrativo municipal, así como dos dereitos das persoas usuarias.
5. Nomeamento dun/ha empregado/a municipal ao servizo das persoas usuarias nos servizos prestados por xestión indirecta, que se encargará de seguir a prestación do servizo e de resolver as queixas que a cidadanía faga sobre o seu funcionamento .
6. Reforzar as funcións de inspección para velar polo cumprimento das normativas municipais.
7. Realización dun inventario de todos os bens do Concello da Coruña en que se especificará o seu número, valor, características e a súa situación xeográfica e física.
8. Introdución de cláusulas sociais nos pregos de contratación e control exhaustivo do seu cumprimento.
9. Compromiso de mediación do Goberno Local en casos de conflito laboral nas empresas adxudicatarias de servizos públicos.
10. Negociación, coa representación sindical, dunha nova Relación de Postos de Traballo na que se contemplen os cambios que resulten da realización do proceso de racionalización das diferentes áreas e servizos, con criterios claros de aplicación dos diferentes factores de valoración.
11. Redución, ao mínimo imprescindíbel, a temporalidade na ocupación dos diferentes postos de traballo, xa sexa en comisión de servizos ou adscrición provisional, negociando coa representación sindical os criterios de utilización destes sistemas de provisión. Convocatoria anual de concurso de provisión de postos.
12. Cumprimento co dereito do funcionariado do desenvolvemento real da carreira profesional, tanto vertical como horizontal.
13. Adopción das medidas necesarias para que todos os/as empregados/as públicos poidan conciliar a vida laboral e familiar con independencia do servizo onde desenvolvan as súas funcións.

1. Compromiso co estudo da remunicipalización de servizos públicos antes de os sacar a concurso público.
2. Estudo da posibilidade de creación de cooperativas de servizos sociais para a xestión dalgúns servizos públicos.
3. Inclusión de cláusulas para que a contratación pública estratéxica e responsábel acade obxectivos sociais, éticos, ambientais e lingüísticos. Así, introduciranse cláusulas sociais, de comercio xusto e responsábel, verde, de xénero e de fomento do uso do galego.
4. Valoración na contratación pública das entidades sen ánimo de lucro, a economía social e a integración de colectivos desfavorecidos ou que presentan dificultades de inclusión social.
5. Procura, sempre para cumprir a lexislación en materia da contratación pública, que nas compras e subministracións de produtos se valore aqueles que existen en lingua galega (programas, equipos informáticos e electrónicos, produtos alimentarios, medios de comunicación e subministracións de todo tipo).
6. Mantemento dos grupos da oposición nas mesas de contratación.
7. Publicación, de acordo coa lexislación en materia de contratación do sector público, perfil do contratante de todos os contratos, incluídos os menores.