Enquanto há força
No braço que vinga
Que venham ventos
Virar-nos as quilhas
Seremos muitos
Seremos alguém
Cantai rapazes
Dançai raparigas
E vós altivas
Cantai também
Levanta o braço
Faz dele uma barra
Que venha a brisa
Lavar-nos a cara
Seremos muitos
Seremos alguém
Cantai rapazes
Dançai raparigas
E vós altivas
Cantai também
ACTO 25 ABRIL.
Ana Miranda. Xosé Soeiro.
Boa tarde, grazas pola vosa presenza.
Permitídeme que comezase este acto recitando o texto desta canción do Zeca Afonso que creo que resume o espírito de abril.
Algúns vos preguntaredes porque recitei o texto en vez de cantalo.
A explicación é moi sinxela: xa tivemos que trasladar este acto a Palexco por mor da ameaza de chuvia. Non quero ser eu quen contribúa a agravar a situación.
En primeiro lugar quero pedirvos desculpas porque a nosa intención era ter realizado este acto o pasado domingo, coincidindo co 47 aniversario da revolución dos cravos
Mais por diversos motivos tivemos que retrasar varios días a súa celebración
E permitídeme que comece tamén cunha lembranza persoal á que xa fixen alusión hai 3 anos, noutro acto sobre o 25 de abril
No verán de 1981 asistín a un concerto de José Afonso no Auditorio do Parque de Castrelos, en Vigo
E naquel concerto produciuse un suceso que me chamou moito a atención
José Afonso non cantou Grándola
Ao rematar o concerto o público posto en pé comezou a berrar Grándola!, Grándola!
José Afonso voltou ao cenario, fixo varios bis, pero seguiu sen cantar Grándola,
e ao final foi o público posto en pé quen a cantou, e pouco menos que obrigou ao Zeca a ter tamén que cantála.
É posíbel que José Afonso non cantase Grándola porque a súa obra musical é moi rica e non se esgota en Grándola
Pero creo que José Afonso non quería cantar Grándola porque pensaba que o espírito desa canción, e do propio 25 de abril, estaba a ser traizoado
Moitas das conquistas da revolución estaban a ser desmontadas
Pero aínda que fose así, son moitas as cousas que deixou o 25 de abril en herdanza
Nesta comarca seguimos loitando para recuperar a Casa Cornide e para que os Franco non se apropien dos bens do Pazo de Meirás
Imaxinades que en Portugal Salazar ou Marcelo Caetano se tivesen apropiado dun pazo, que é de todos, e rematada a ditadura seguise en mans dos seus herdeiros?
Imaxinades que en Porto unha das avenidas principais se chamase Antonio de Oliveira Salazar como pasa aquí coa Avenida Primo de Rivera?
Xa sei que non está adicada ao fundador da Falange senón ao seu pai. Mais Miguel Primo de Rivera tamén foi un ditador.
Imaxinades en Portugal a altos mandos militares no retiro, enviando un manifesto ao Xefe de Estado pouco menos que animándoo a encabezar un golpe contra o Goberno
Ou que militares retirados digan nun foro de internet que isto se soluciona fusilando a varios millóns de “fillos de puta”?
Non, verdade?
Porque en Portugal houbo unha ruptura democrática coa ditadura
Non unha reforma.
Non unha transición a partir das propias institucións e do propio marco legal ilexítima establecido pola ditadura
Algo que por exemplo fixo que unha das consecuencias imediatas da revolución dos cravos fose a independencia das colonias
Mentres en cambio o Estado español o que fixo foi negociar un cambio de amo no Sára, condenando ao seu pobo a ser refén de Marrocos
Mais como eu só teño que presentar
Doulle xa a benvida a Ana Miranda.
Que vou dicir de Ana?
Hai unha película que se titula Se hoxe é martes isto é Bélxica
Iso é o que debe dicir os martes Ana Miranda
Porque a parte de traballadora incansábel parce que ten o don da ubicuidade
Todos a referenciamos ao Parlamento europeo pero estes días estivo en Turquía dando apoio a 108 políticos kurdos para os que a fiscalía pide penas de cárcere
Hoxe pola tarde participou nunha marcha contra un proxecto de parque eólico na Serra do Galiñeiro
E agora témola aquí
E por suposto, a nosa ben-vinda a Zé Soeiro.
José Soeiro é doutorado en socioloxía pola Faculdade de Economía da Universidade de Coimbra
É integrante da rede europea de traballo artístico Drums for Peace, da dirección da Cooperativa Cultura e colaborador de varias asociacións
É un dos criadorse do grupo Teatro do Oprimido
Foi candidato do Bloco á presidencia da Cámara Municipal de Porto
E actualmente é deputado do Bloco de Esquerda na Asemblea da República
Con eles vos deixo, moitas grazas.
