Bon día a todas e todos. Benvidos e benvidas ao Coliseum !!! Benvidas e benvidos ao Coliseum… da Coruña.
Fago esta aclaración porque teño entendido que hai outro en Roma. Pero, crédeme, estiven tamén no Coliseum de Roma… De feito naquela visita atopeime con Pablo Villamar, un compañeiro do BNG. Sinal de que estamos en todas partes. Até en Roma!!! E sinal de que lle estamos facendo caso a Ana Pontón ensanchando a base social do nacionalismo galego.
Pero crédeme, estiven no Coliseum de Roma e… está todo roto!!! O da Coruña é moito mellor!!!
Mais brincadeiras a parte, para o BNG da Coruña é un orgullo ser os anfitrións desta Asemblea. A terceira Asemblea Nacional consecutiva que se realiza na nosa cidade. Para nós a organización desta Asemblea é unha responsabilidade que asumimos gustosamente. Entre outras cousas, porque contribúe para A Coruña se reencontrar coa súa propia historia, sempre vencellada ao mellor da historia do noso país
A Coruña foi a cidade na que viviu, entre 1871 e 1878, a nosa grande poeta nacional, Rosalía de Castro. O pasado 23 de outubro, tivemos ocasión de celebrar, grazas á iniciativa da Asociación Cultural Alexandre Bóveda, que se fan 150 anos da súa chegada. A Coruña foi a cidade que en 1908 deu acubillo aos restos mortais de Curros Enríquez, despedido por unha multitude de persoas que ateigaron as rúas desta cidade para lle dar o último adeus.
Unha cidade vencellada ao nacionalismo galego dende a súa fundación. Aquí naceron a Cova céltica, a Editorial Lar, a Academia Galega, as Irmandades da Fala.
Benvidas e benvidos á cidade de Lois Peña Novo, o primeiro concelleiro nacionalista na Historia de Galiza. Grazas á súa iniciativa, no Palacio Municipal desta cidade pendurou por primeira vez, nun edificio oficial, a bandeira galega.
Benvidas e benvidos á cidade de Domingos Merino, o primeiro alcalde nacionalista dunha cidade galega, após o remate da ditadura. Esa é a verdadeira Coruña e non a da corte que medrou ás beiras do ditador no Pazo de Meirás. Non a de Sergio Peñamaría de Llano. Un fascista coas mans manchadas de sangue, comandando a represión en Valdeorras após o golpe do 36.
Un fascista que na súa etapa como alcalde da Coruña tivo como grande “mérito” ser unha peza fundamental para os Franco se apropiaren da Casa Cornide
Un fascista ao que esta semana PSOE e PP se negaron a retirarlle as honras e distincións, unindo os seus votos contra unha moción do BNG.
Benvidas e benvidos á verdadeira Coruña. A Coruña que si nos representa. A Coruña de María Casares, A Coruña na que escolleu vivir Manuel María. A Coruña das cigarreiras.
Benvidas e benvidos á verdadeira Coruña. A Coruña que si nos representa. A Coruña de María Casares, A Coruña na que escolleu vivir Manuel María. A Coruña das cigarreiras. A da folga xeral de 1901, reprimida con 8 asasinados. Benvidas e benvidos á cidade na que se fundou o BNG, en setembro de 1982 no Frontón de Riazor. Benvidas e benvidos á cidade na que en febreiro de 2016, foi eleita Portavoz Nacional Ana Pontón.
E estou convencido de que hoxe, nesta cidade, vai saírun BNG máis fortepara facer posíbel, como di o lema desta asemblea, Unha nova Galiza.
Un BNG que vai a saír desta Asemblea a por todas. A GAÑAR. POR GALIZA. Porque o país o necesita!!! Moitas grazas.